வேல் டெக் தொழில்நுட்ப கல்லூரி பட்டமளிப்பு விழா
வேல் டெக் டாக்டர் ஆர்.ஆர் மற்றும் டாக்டர் எஸ்.ஆர். தொழில்நுட்ப பல்கலைக்கழகத்தின் பட்டமளிப்பு விழா சென்னை ஆவடியில் அண்மையில் நடைபெற்றது.
பாதுகாப்பு ஆராய்ச்சி மேம்பாட்டு நிறுவனத்தின் தலைமை கட்டுப்பாட்டு அதிகாரி டாக்டர் எஸ்.சுந்தரேஷ் சிறப்பு விருந்தினராகக் கலந்து கொண்டு பட்டங்களை வழங்கினார். நிகழ்ச்சியில் 789 மாணவர்களுக்கு பட்டம் வழங்கப்பட்டது. பல்கலைக்கழக அளவில் சிறப்பிடம் பெற்ற 10 மாணவர்களுக்கு தங்கப்பதக்கம் வழங்கப்பட்டது. சிறப்பிடம் பெற்ற மாணவர்களுக்கு வேல் டெக் மகாத்மா காந்தி கல்வி உதவித்தொகையாக மொத்தம் ரூ.7 கோடி வழங்கப்பட்டது. பல்கலைக்கழக நிறுவனர் தலைவர் டாக்டர் வேல் ஆர்.ரங்கராஜன், நிறுவனர்-துணைத் தலைவர் டாக்டர் சகுந்தலா ரங்கராஜன், துணை வேந்தர் டாக்டர் எம்.கோடீஸ்வரன், பதிவாளர் டாக்டர் இ.கண்ணன் உள்ளிட்டோர் பங்கேற்றனர்.
