கால்நடை மருத்துவப் படிப்பு விண்ணப்பங்கள் விநியோகம்
சென்னையில் உள்ள தமிழ்நாடு கால்நடை மருத்துவக் கல்லூரியில் கால்நடை இளங்கலை படிப்புக்கான விண்ணப்ப விநியோகம் திங்கள்கிழமை தொடங்கின.
தமிழ்நாடு கால்நடை மருத்துவ அறிவியல் பல்கலைக்கழகத்தின் இளநிலை கால்நடை மருத்துவம் உள்ளிட்ட படிப்புகளுக்கான விண்ணப்பங்கள் விநியோகம் திங்கள்கிழமை தொடங்கியது.
தமிழ்நாடு கால்நடை மருத்துவ அறிவியல் பல்கலைக்கழகத்தின் தேர்வுக் குழு தலைவர் டாக்டர் எஸ்.திலகர் விண்ணப்பங்கள் விநியோகத்தை தொடங்கி வைத்தார். சென்னை கால்நடை மருத்துவக் கல்லூரி மற்றும் நாமக்கல் கால்நடை மருத்துவக் கல்லூரி மற்றும் ஆராய்ச்சி நிலையத்தில் இளநிலை கால்நடை மருத்துவம் மற்றும் கால்நடை பராமரிப்பு பட்டப்படிப்பு, தூத்துக்குடி மீன்வளக் கல்லூரி மற்றும் ஆராய்ச்சி நிலையத்தில் இளநிலை மீன்வள பட்டப்படிப்பு, சென்னை கொடுவள்ளி உணவு மற்றும் பால் தொழில்நுட்ப நிலையத்தில் உள்ள உணவு பதனிடும் தொழில்நுட்பம், கோழியின உற்பத்தித் தொழில்நுட்பம் ஆகிய படிப்புகளுக்கான விண்ணப்பங்கள் விநியோகிக்கப்படுகின்றன.
வயது வரம்பு:
இந்தப் படிப்புகளில் சேர ஆதிதிராவிடர் மற்றும் பழங்குடியின வகுப்பினர்களுக்கு வயது வரம்பு இல்லை. இதர வகுப்பினருக்கு 01-07-2011 அன்று 21 வயதுக்குள் இருக்க வேண்டும். வயது வரம்பு எந்தக் காரணத்தைக் கொண்டும் தளர்த்தப்பட மாட்டாது.
கட்டணம்:
விண்ணப்பங்களுக்கான கட்டணம் ரூ. 600 ஆகும். ஆதிதிராவிட மற்றும் பழங்குடியின வகுப்பினர்களுக்கான விண்ணப்பக் கட்டணம் ரூ. 300 ஆகும். விண்ணப்பங்கள் ஜூன் 6-ம் தேதி வரை விநியோகிக்கப்படும். விண்ணப்பத்துக்கான கட்டணத்தை THE FINANCE OFFICER, TANUVAS, CHENNAI-51 என்ற பெயரில் வங்கி வரைவோலையாக செலுத்த வேண்டும்.
பூர்த்தி செய்யப்பட்ட விண்ணப்பங்கள்
தலைவர்,
தேர்வுக்குழு (இளநிலை பட்டப்படிப்பு)
தமிழ்நாடு கால்நடை மருத்துவ அறிவியல் பல்கலைக்கழகம்,
மாதவரம் பால்பண்ணை,
சென்னை-51
என்ற முகவரிக்கு சென்று சேருமாறு அனுப்ப வேண்டும். பூர்த்தி செய்யப்பட்ட விண்ணப்பங்கள் சாதாரண தபாலில் மட்டுமே அனுப்ப வேண்டும்.
மேற்கூறப்பட்ட படிப்புகளில் சேருவதற்கான கலந்தாய்வு ஜூலை 13, 14, 15 ஆகிய தேதிகளில் நடைபெறும் என தேர்வுக் குழு தலைவர் டாக்டர் எஸ்.திலகர் தெரிவித்தார்.
மேலும் விவரங்களுக்கு: